"Комо" бош мураббийи Сеск Фабрегас "Лейпциг"ни бошқариши мумкин, дея хабар бермоқда журналист Флориан Плеттенберг.
Манбага кўра, Германия клуби раҳбарияти 38 ёшли испаниялик собиқ футболчининг таклифини кўриб чиқмоқда. Шунингдек, номзодлар рўйхатида "Кристал Пэлас"ни бошқараётган Оливер Гласнер ҳам бор.
Айни пайтда "Лейпциг"ни Жолт Лев бошқармоқда. Жамоа мавсум тугашига икки тур қолганида 50 очко билан Бундеслига турнир жадвалида олтинчи ўринни эгаллаб турибди.













