"Реал Мадрид"нинг асосий ҳужумчиларидан бири Родриго Гоэс Испания Ла Лигасининг 35-тури доирасида "Барселона"га қарши бўлиб ўтадиган ўйинда майдонга тушиши мумкин.
Бу ҳақда инсайдер Фабрицио Романо хабар берди.
Бразилиялик вингер иситмаси туфайли "Сельта"га қарши (3:2) сўнгги лига ўйинини ўтказиб юборишга мажбур бўлганидан сўнг майдонга қайтмоқчи.
Қайд этиш жоиз, Родриго “Реал Мадрид”нинг жорий мавсумдаги асосий футболчиларидан бири ҳисобланади. У 2024/2025 йилги мавсумда "Қироллик клуби" сафида 50 ўйинда 10+13 гол+пас берди.
"Барселона" - "Реал" учрашуви 11 май, якшанба куни бўлиб ўтади.
Аввалроқ лос-бланколиклар Лондоннинг "Арсенал" жамоаси қизиқаётган Родригога нарх белгилагани, аммо унинг келажаги борасидаги қарорни Мадрид клубининг янги мураббийи қабул қилиши ҳақида хабар берилганди.
