"Астон Вилла" жамоаси ёзги трансфер ойнасида янги дарвозабон қидирмоқда. Британия матбуоти хабарига кўра, бир неча клублар эътиборида бўлган аргентиналик посбон Эмилиано Мартинеснинг жамоани тарк этиши кутилаётган бир пайтда, бирламчи номзод сифатида "Реал Мадрид" дарвозабони Андрей Лунин кўриб чиқилмоқда.
Украиналик 25 ёшли посбон жорий мавсумда бир неча бор жамоасини қийин вазиятлардан олиб чиқиб, ўз салоҳиятини намоён этди. Шу билан бирга, у асосий таркиб учун Тибо Куртуа билан рақобатлашишига тўлиқ кафолат йўқ. Бу эса унинг фаолиятини бошқа клубда давом эттириш эҳтимолини кучайтиради.
"Астон Вилла" бош мураббийи Унай Эмери кучли ва тажрибали дарвозабонни жамоа учун муҳим деб ҳисоблайди. Агар Мартинес кетадиган бўлса, Лунин жамоанинг асосий номзодига айланади.
