Мартин Монтойянинг фикрича, "Барселона" Хавига нисбатан адолатсизлик қилган.

– Ҳозирги "Барселона"да ким кўпроқ мақтовга лойиқ? Флик лойиҳанинг юзи сифатида кўп мақтовларга сазовор бўлмоқда.

- Бу йил Флик етакчи сифатида ажралиб турди, бироқ Хави бу жамоани бир неча йил олдин тузиб, ёш футболчиларни олиб келиб, моделни шакллантирди. Ҳар кимнинг таъсири бор: Хави, Флик, клуб ва мухлисларнинг ишончи ҳам муҳим роль ўйнади.

- Хавига нисбатан адолатсизлик бўлганми?

- Ҳа, бироз. Хави ўйинчи сифатида "Барселона"га ҳамма нарсани берди, ҳамма нарсани ютди, мураббий сифатида қайтди ва ўзи кутган нарсага эриша олмаса ҳам яхши иш қилди. У бу жамоани яратди, бугунги кунда порлаётган ёш футболчиларни жалб қилди. У катта мақтовга лойиқ. Лекин футбол натижа билан боғлиқ ва агар чемпион бўлмасангиз, ким бўлишингиздан қатъий назар, сизни алмаштирадилар" - деди "Барселона"нинг собиқ ҳимоячиси.