“Интер” Миланда ўтган Чемпионлар Лигаси ярим финали жавоб учрашувида “Барселона”ни 4:3 ҳисобида мағлуб этди ва финалга йўл олди. Умумий ҳисоб бўйича италияликлар 7:6 ҳисобида зафар қучди.

Биринчи таймда “Интер” Лаутаро Мартинес (22’) ва Хакан Чалханоглунинг (пенальти, 45’) голлари орқали 2:0 ҳисобида олдинга чиқди.

Иккинчи таймда “Барселона” камбэк қилди: 54-дақиқада Эрик Гарсия ҳисобни қисқартирди, 60-дақиқада Дани Ольмо мувозанатни тиклади. 88-дақиқада Рафинья меҳмонларни олдинга олиб чиқди — 2:3. Бироқ 90+3-дақиқада Франческо Ачерби жавоб голи билан ҳисобни 3:3 қилди.

Қўшимча вақтда “Интер”нинг ярим ҳимоячиси Давиде Фраттези ғалаба голини уриб, жамоасига финал йўлланмасини таъминлади.

Симоне Индзаги бошчилигидаги “Интер” Чемпионлар Лигаси финалида “ПСЖ” — “Арсенал” жуфтлиги ғолиби билан тўқнаш келади. Мазкур учрашув 7 май куни бўлиб ўтади (биринчи ўйин — 1:0, “ПСЖ” фойдасига).