“Inter” Milanda o‘tgan Chempionlar Ligasi yarim finali javob uchrashuvida “Barselona”ni 4:3 hisobida mag‘lub etdi va finalga yo‘l oldi. Umumiy hisob bo‘yicha italiyaliklar 7:6 hisobida zafar quchdi.

Birinchi taymda “Inter” Lautaro Martines (22’) va Xakan Chalxanogluning (penalti, 45’) gollari orqali 2:0 hisobida oldinga chiqdi.

Ikkinchi taymda “Barselona” kambek qildi: 54-daqiqada Erik Garsiya hisobni qisqartirdi, 60-daqiqada Dani Olmo muvozanatni tikladi. 88-daqiqada Rafinya mehmonlarni oldinga olib chiqdi — 2:3. Biroq 90+3-daqiqada Franchesko Acherbi javob goli bilan hisobni 3:3 qildi.

Qo‘shimcha vaqtda “Inter”ning yarim himoyachisi Davide Frattezi g‘alaba golini urib, jamoasiga final yo‘llanmasini ta’minladi.

Simone Indzagi boshchiligidagi “Inter” Chempionlar Ligasi finalida “PSJ” — “Arsenal” juftligi g‘olibi bilan to‘qnash keladi. Mazkur uchrashuv 7 may kuni bo‘lib o‘tadi (birinchi o‘yin — 1:0, “PSJ” foydasiga).