"Барселона" дарвозабони Войцех Шесни Чемпионлар лигасининг ярим финал босқичидан сўнг ўз фикрларини билдириб ўтди.
Сешанба куни "Сан-Сиро"да Каталония грандининг требл ҳақидаги орзулари якунига етди. "Интер" 4:3 (умумий ҳисобда 7:6) ҳисобида ғалаба қозонди ва энг нуфузли еврокубок финалига йўл олди.
"Бугун биз мағлуб бўлдик, буни ёш футболчиларимизга қабул қилиш осон бўлмайди, аммо уларнинг ҳар бири келажакда Чемпионлар лигасида кўп маротаба ғалаба қозонишга лойиқ эканликларини исботлади. Бугунги мағлубиятдан кейин ҳаёт тугамайди", - дея Шеснининг сўзларини келтиради испан ОАВлари.
Турнир финалида "Интер" чоршанба куни Парижда аниқланадиган "ПСЖ" - "Арсенал" учрашуви ғолиби билан учрашади.
