Миланнинг “Интер” жамоаси сўнгги уч йил ичида иккинчи марта Чемпионлар Лигаси финалига йўл олди. “Барселона”га қарши жуда кескин кечган ўйинда жамоанинг асосий қаҳрамонларидан бири — швейцариялик дарвозабон Ян Зоммер бўлди.
Учрашувдан сўнг журналистлар ундан қайси сэйв энг мураккаб бўлганини сўрашди. Зоммер эса қуйидагича жавоб қайтарди:
“Аниқ айта олмайман, эҳтимол, энг охирги сэйв бўлса керак. Чунки Ямал жуда кучли футболчи — у доим жарима майдонига кириб келади ва қаттиқ зарба беради. Тўп тўрга кирмаганидан жуда хурсандман.
Биз ўзимизга ишондик. Кўп жамоалар учинчи голни ўтказиб юборгандан сўнг руҳан синади ва ютқазади. Аммо биз охиригача ишондик ва ўз мақсадимизга эришдик”, — деди Зоммернинг сўзларини fcinter1908.it келтирмоқда.
