Англия терма жамоасининг собиқ ҳужумчиси Габриэль Агбонлахор “Арсенал” бош мураббийи Микель Артетага ЕЧЛдан чиқиб кетгандан сўнг маслаҳат берди. Артета матбуот анжуманида ўз жамоасини “ПСЖ”дан анча кучли деб атаган эди.
“Менимча, Артета ўз фикрларини билдиришда эҳтиёткорроқ бўлиши керак. У айтдики, “Арсенал” жорий очколари билан аввалги мавсумларда чемпион бўларди, ёки “Арсенал” — Европадаги энг кучли жамоа, деб.
Лекин мағлубиятдан сўнг шунчаки камтарроқ бўлиш керак. Иккала ўйинда ҳам “ПСЖ” яхшироқ жамоа бўлди — буни тан олишда ҳеч қандай уят йўқ. “Биз уддала олмадик, кейинги мавсум қайтамиз”, деб айтишнинг ўзи кифоя", - деди Агбонлахор BBC Sport'га.
