"ПСЖ" бош мураббийи Луис Энрике француз клубида биринчи кунданоқ қўллаб-қувватловни ҳис қилганини айтди, шунингдек, мавсум бошида жамоага билдирилган танқидлар ҳақида гапирди.
"Мен каби мураббий клубга келганида, уларнинг нима ҳақида ўйлаётганини тушуниш қийин бўлиши мумкин, лекин бу ерда мени биринчи кунданоқ меҳр билан кутиб олишди. Футболчилар, клуб ва мухлислар мени тушунишди. Бошида танқидлар бўлди, лекин мен ўрганиб қолганман. Аммо биз фикрлаш тарзи ва ишончни сақлаб қолиш учун зарур бўлган менталитетни сақлаб қолдик. Биз мухлислар ва жамоа ўртасидаги боғлиқлик ҳақида гапиришимиз керак ва ҳозир тарихга киришимиз учун бўлажак финалларга тайёргарлик кўришнинг айни вақти," - дея Энрикенинг сўзларини келтиради клуб расмий сайти.
