"Круз Азул" Мартин Анселми учун 3,1 миллион евро олади.

Аргентиналик мураббий ва унинг собиқ клуби ўртасидаги можарога барҳам берилди.

Мартин Анселми ва "Круз Азул" январ ойида жамоани тарк этгани учун мураббий тўлаши керак бўлган товон пули бўйича келишувга эришди. Мексика клуби Анселми ва унинг мураббийлар штаби учун 3,1 миллион евро олади.

Ўтган йилнинг март ойида "Круз Азул" ФИФАга Мартин Анселми ва Португалия клуби устидан арз қилиб, аргентиналик мураббий шартномани бекор қилиш бандида кўрсатилган суммани тўламагани ва "Порту"нинг ёмон ниятда ҳаракат қилганини даъво қилганди.

Мексикаликлар солиқлар билан бирга 4,4 миллион евро компенсация талаб қилишган, бу эса тахминан 7 миллион еврони ташкил қилган. Бироқ клуб 3,2 миллион евро товон пули тўлашга рози бўлди.

Эслатиб ўтамиз, Анселми расман 27 январ куни “Порту”нинг янги бош мураббийи сифатида таништирилди.