"Ливерпуль"нинг юлдуз вингери Муҳаммад Салоҳ футболдаги асосий индивидуал соврин - "Олтин тўп"ни нафақат шахсий шон-шуҳрат, балки ўз мамлакати учун ҳам қўлга киритишга интилаётганини тан олди.
"Мен Миср қишлоғида ўсганман ва болалигимда бундай нарсаларни орзу ҳам қилмаганман. Аммо "Ливерпуль"га ўтганимдан кейин бир кун келиб бу ҳақиқатга айланиши мумкинлигига ишона бошладим. Халқим учун "Олтин тўп"ни қўлга киритмоқчиман. Аммо бу содир бўлмаса ҳам, мен барибир ўз фаолиятим билан фахрланаман", - деди Салоҳ L’Equipe нашрига берган интервьюсида.
2024/25 йилги мавсумда 32 ёшли форвард ажойиб спорт формасини намойиш этмоқда: 49 та ўйинда 33 та гол ва 23 та голли узатма.
