Стивен Жеррард яна "Рейнжерс"ни бошқариши мумкин.
The Telegraph хабарига кўра, Шотландия клуби 44 ёшли мутахассисни бош мураббийликка номзодлар рўйхатига киритган - клуб ўндан ортиқ номзодни кўриб чиқмоқда. Филипп Клеман февраль ойида бу лавозимни тарк этган, жамоани Барри Фергюсон вақтинча бошқармоқда.
"Рейнжерс" 35 турдан кейин 68 очко жамғариб, Шотландия чемпионати турнир жадвалида 2-ўринни эгаллаб турибди.
Жеррард 2018 йилдан 2021 йилгача Глазго жамоасини бошқарган ва у билан мамлакат чемпионлигини қўлга киритган. Англиялик мураббийнинг сўнгги клуби "Ал Иттифоқ" эди.
