"Бавария" ярим ҳимоячиси Томас Мюллер Германия Бундеслигасининг 33-туридан ўрин олган Мёнхенгладбахнинг "Боруссия"сига қарши ўйиндан сўнг жамоа мухлислари билан таъсирчан хайрлашди.
Ушбу учрашув Мюллер учун клуб либосидаги сўнгги уй учрашуви бўлди.
"Энг кўп соғинадиган нарса бу стадионда гол уриш туйғуси. Бу кўпчилик учун ва мен учун ҳам оғир, лекин айни пайтда ажойиб лаҳза", - дея футболчининг сўзларини келтиради "Бавария" матбуот хизмати.
Учрашувнинг ўзи "Бавария"нинг 2:0 ҳисобидаги ғалабаси билан якунланди. Мюллер асосий таркибда майдонга тушди ва гол ура олмади.
