"Бавария" Флориан Вирцнинг трансфери устида иш бошлади.
Журналист Флориан Плеттенбергнинг хабар беришича, мюнхенликлар жамоаси 22 ёшли ярим ҳимоячи билан шартнома имзолаш борасида "Байер" билан музокараларни бошлаган. "Бавария" келишувни клублар ўртасидаги жаҳон чемпионати бошланишигача якунлаш ниятида.
Қайд этилишича, "Байер" Вирцни камида кейинги мавсумда жамоада сақлаб қолишга ҳаракат қилади ва у учун 150 миллион евро талаб қилиши мумкин.
Аввалроқ "Бавария" ярим ҳимоячи учун 100 миллион евро таклиф қилишни режалаштираётгани ҳақида хабар берилганди. Қолаверса, клуб футболчи билан олдиндан келишувга эришган.
