"Реал Мадрид" Карло Анчелоттининг ўз ишига бўлган ёндашувидан хурсанд эмас.
Relevo хабарига кўра, жамоа ҳали ҳам совринлар учун курашаётган пайтда бош мураббий тўлиқ эътибор қаратмагани клубни ҳайратда қолдирди. Март ойининг охиридан бери италиялик Бразилия футбол конфедерацияси билан алоқада бўлиб, сўнгги ҳафталарда музокаралар айниқса фаол кечди ва "Реал"да ишлашга одатий эътибор кузатилмади.
Тахминларга кўра, футболчилар "Арсенал" билан ўйинларга тайёргарлик қанчалик ёмон бўлганидан ҳайратда қолишган. Жамоада ўйин учун бирор аниқ режа йўқ, фақат умумий кўрсатмалар мавжуд эди. Натижада "канонирлар" чорак финал босқичида "Реал"ни Чемпионлар лигасидан чиқариб юборишди.
Кеча Анчелотти Бразилия терма жамоасига бош мураббий этиб тайинлангани маълум бўлди.
