«Манчестер Сити»нинг 33 ёшли ярим ҳимоячиси Кевин Де Брёйне номзоди Мадриднинг «Реал» клубига таклиф қилинди. Бу ҳақда "Defensa Central" хабар бермоқда.

Манба маълумотига кўра, бельгиялик футболчининг агентлари Тони Кроос карьерасини якунлаганидан сўнг «Реал» марказий ярим ҳимоячига муҳтож эканлигини билади. Таъкидланишича, Де Брёйне «Реал» сафида тўп суришни истайди ва бунинг учун у ўз маошини икки бараварга камайтиришга ҳам тайёр. Ҳозирда «Манчестер Сити»да у йилига тахминан 16 миллион евро маош олмоқда, аммо у "Реал" сафида 7–8 миллион евро йиллик иш ҳақига рози.

«Реал» клуби бу таклифни ҳурмат билан қабул қилган, аммо 33 ёшли футболчининг энг яхши йиллари ортида қолган деб ҳисобламоқда.

Де Брёйне жорий мавсум якунлангач, «Манчестер Сити»ни тарк этади. У мавсум давомида барча мусобақаларда 37 та ўйинда қатнашиб, 6 та гол ва 8 та голли узатма амалга оширган. Transfermarkt маълумотига кўра, футболчининг бозор қиймати 27 миллион еврога тенг.