Даниэль Свенссон доимий равишда "Боруссия"да ўйнашда давом этади.
Дортмундликлар февраль ойида "Нордшелланд"дан ижарага олинган ҳимоячини тўлақонли равишда сотиб олганини эълон қилди. Унинг шартномаси 2029 йилнинг ёзига қадар мўлжалланган.
Tipsbladet нашри хабарига кўра, Дания жамоаси футболчини ижарага бергани учун 2 миллион евро олган, энди эса яна 6,5 миллион тўланади.
Бундеслигада Свенссон 11 ўйин ўтказиб, битта гол урган.













