Мадриднинг "Реал" клуби бош мураббийи Карло Анчелотти Ла Лига чемпионлиги ҳақидаги фикрлари билан ўртоқлашди.
"Барселона" чоршанба куни муддатидан олдин чемпион бўлиши мумкин эди, аммо "қаймоқранглилар" "Мальорка" устидан иродали ғалабани қўлга киритди (2:1) ва финишга икки тур қолганида чемпионлик учун назарий имкониятларини сақлаб қолди. "Кўк-анорранглилар" пайшанба куни "Эспаньол"ни мағлуб этишса, олтин медални нақд қилишади.
"Чемпионлик пойгасининг охири? Футболда ҳар нарса бўлиши мумкин. Биз бугун "Барселона"га чемпионликни бермоқчи эмасдик, улар эртага ўзлари ҳаракат қилишларига тўғри келади. Агар ғалаба қозонишса, уларни табриклаймиз, агар ғалаба қозонишмаса, кейин нима бўлишини кўрамиз," - деди Анчелотти матбуот анжуманида.
