"Реал" "Борнмут"дан ҳимоячи Дин Хёйсен трансферини ёпмоқда. Айни пайтда 20 ёшли футболчи 5 йиллик шартнома имзолашдан олдин тиббий кўрикдан ўтмоқда. Бу ҳақда ижтимоий тармоқларда нуфузли инсайдер Фабрицио Романо ёзди.
Хейсен учун "Реал" "Борнмут"га 50 миллион фунт (деярли 60 миллион евро) тўлайди. Мадрид клубида Динни ажойиб истеъдод деб билишади ва "Реал"нинг бўлажак мураббийи Хаби Алонсо футболчини ўз сафига қўшиб олмоқчи эди.
Тез орада Дин Хейсен "Реал" билан меҳнат шартномасини имзолайди. Ҳимоячи "қаймоқранглилар" сафида клублар ўртасидаги жаҳон чемпионатида иштирок этади.
