Мадриднинг "Реал" клуби хўжайинлари ёзги трансферлар вақтида жамоа ҳимоя чизиғини жиддий кучайтирмоқчи. Marca нашри хабарига кўра, "қаймоқранглилар" Дин Хейсенни ўз сафига қўшиб олиш билан чекланиб қолмайди ва яна бир марказий ҳимоячи сотиб олишни истамоқда.
"Қироллик клуби" аъзолари Давид Алаба, Антонио Рюдигер ва Эдер Милитаога ишонч билдириш мумкинлигига шубҳа қилишмоқда. Бу футболчилар жароҳатларга моил бўлиб, ҳозирда "Реал" лазаретида даволанмоқда.
Эслатиб ўтамиз, келаси мавсумдан Мадрид жамоасига испаниялик мутахассис Хаби Алонсо устозлик қилади. У "қироллик клуби" бошқарувида италиялик Карло Анчелоттининг ўрнини эгаллайди.
