"Интер" ёзда ярим ҳимоя чизиғини кучайтирмоқчи. Fichajes порталининг хабар беришича, миланликлар жамоа учун идеал кучайтирувчи "Атлетико"дан Родриго де Пауль бўлишига ишонишмоқда.
Манбага кўра, "Интер" де Пауль бўйича музокараларни бошлаб юборган. Миланликлар оптимист кайфиятда, чунки аргентиналик футболчи аллақачон Италияда ўйнаган - 2016-2021 йилларда Родриго "Удинезе" шарафини ҳимоя қилган.
2022 йил охирида Родриго де Пауль Аргентина терма жамоаси сафида жаҳон чемпиони бўлди. Нуфузли Transfermarkt портали 30 ёшли аргентиналикни 25 миллион еврога баҳоламоқда.
