"Реал" Нико Пасни қайтаришни ўйламоқда.
Мадрид клуби тарбияланувчиси ўтган ёзда 6 млн евро эвазига "Комо"га ўтган эди. А Серия жорий мавсумида 20 ёшли ярим ҳимоячи 33 ўйинда 6 та гол ва 8 та голли узатмага муаллифлик қилди.
AS нашрининг хабар беришича, "Реал" 8 миллион евро эвазига қайта сотиб олишни фаоллаштириш орқали футболчини қайтариш масаласини жиддий муҳокама қилмоқда.
Бироқ, қанот ҳимоячилари ва марказий ҳимоячи билан шартнома имзолаш бўйича устувор масала ҳал қилинмагунча, клуб шошилмайди.
Қайд этилишича, "Реал" Паснинг ўсишидан ҳайратда. Клубда уни нафақат "ўнлик" ролида, балки марказий ярим ҳимоячи сифатида ҳам кўришади.
