"Реал"дагилар "Арсенал" "Реал Сосьедад" ярим ҳимоячиси Мартин Субименди масаласида олдинга силжиганини билишади. Шу билан бирга, Мадрид суперклуби вазиятни ўзгартириш ва футболчи учун курашда ғалаба қозонишга умид қилмоқда. Бу ҳақда AS нашри ўз саҳифаларида маълум қилди.
Агар 26 ёшли Субименди қўлга киритилмаса, "Реал" бошқа футболчилар вариантига ўтади. Рўйхатда Родри, Бруно Гимараэс, Тиджани Рейндерс, Энцо Фернандес, Алексис Макаллистер ва Эдерсон бор.
Нуфузли Transfermarkt портали мутахассислари Мартин Субимендини 60 миллион еврога баҳоламоқда. Субименди 2024/2025-йилги мавсумда 46 та ўйинда майдонга тушиб, иккита гол урди ва иккита голли узатмани амалга оширди.
