Жума куни "Барселона"нинг чемпионлик паради бўлиб ўтди. Каталония жамоаси бош мураббийи Ханс-Дитер Флик ўз таассуротлари билан ўртоқлашди.

"Мен ҳайратда қолдим. Бу ақл бовар қилмайдиган ҳолат эди. Шунча одамни кўрганингизда ва улар қандай эҳтиросни бошдан кечираётганини, байрам қилаётганини кўрсангиз - бу фантастика. Агар биз буни ҳар йили ҳис қила олсак - бу ақл бовар қилмайдиган бўлади. Кейинги мавсумларда жуда қаттиқ ишлаймиз. Эҳтимол, буни яна такрорлаш мумкиндир. Бу унвонлар мухлислар учун ҳам," - деди Флик матбуот анжуманида.

Якшанба куни "Барселона" Испания чемпионатида ўз майдонида "Вильярреал"га қарши баҳс олиб боради.