Португалиялик юлдуз ҳужумчи Криштиану Роналдунинг ўғли бўлган 14 ёшли кичик Криштиану Роналду "Реал"нинг қизиқишлар доирасига киради. "Қироллик клуби" скаутлари ёш футболчининг ўйинларини кузатиб бормоқда, деб хабар беради Defensa Central.
Манбага кўра, "қаймоқранглилар" президенти Флорентино Перес кичик Криштианунинг ўсишини кузатиш бўйича кўрсатма берган. Айни дамда ёш футболчи Саудия Арабистонининг "Ан-Наср" клуби ёшлари сафида тўп тепмоқда.
Аввалроқ, кичик Роналдуга Англиянинг "Манчестер Юнайтед" клуби ҳам қизиқиш билдираётгани ҳақида хабарлар тарқалган эди.
