"Марсель" клуби спорт директори лавозимида ишлаб келаётган Меҳди Бенатиа "Пари Сен-Жермен" ва Миланнинг "Интер" клублари ўртасида бўлиб ўтадиган Чемпионлар лигаси финали ҳақидаги саволга жавоб берди.
Ўйин 31 май куни Мюнхендаги "Альянц Арена"да бўлиб ўтади.
"Чемпионлар Лигаси финали? Умид қиламанки, "Марсель" турнирда ғолиб чиққан ягона француз жамоаси бўлиб қолади," - дея Бенатианинг сўзларини келтиради RMC Sport.
Марокашлик функционер - ўтмишда машҳур бўлган футболчи ўз вақтида Италиянинг "Удинезе," "Рома" ва "Ювентус" клубларида ўйнаган.
"Марсель" 1993 йилда Чемпионлар лигасида ғалаба қозонган.
