"Лестер" бош мураббийи Руд ван Нистелрой мавсум якунлангач, ишда қолмаса керак.

"Тулкилар" маррага анча вақт қолганда Премьер-лигада қолиш имкониятидан маҳрум бўлди. Сўнгги тур олдидан жамоа 25 очко билан 18-ўринни эгаллаб турибди. Football Insider хабарига кўра, "Лестер" раҳбарияти ван Нистелройни истеъфога чиқариб, унинг ўрнига Расселл Мартинни тайинлашни режалаштирмоқда. Шотландиялик билан музокаралар ривожланган босқичда.

Мартин ўтган мавсум якунларига кўра "Саутгемптон"ни Премьер-лигага олиб чиқди, аммо АПЛдаги мавсумни муваффақиятсиз бошлади - уни 16-турдан кейин истеъфога чиқаришди.

Руд ван Нистелрой ўтган йилнинг декабр ойи бошида "Лестер"да иш бошлаганди.