"Ал-Иттиҳод" раҳбарияти келаси мавсумда асосий трансфер мақсади сифатида кўрилаётган "Ньюкасл Юнайтед" ярим ҳимоячиси Бруно Гимарайнсни сотиб олмоқчи. Саудияликлар бразилиялик футболчи учун 120 млн евро тўлашга тайёр. Бу ҳақда ESPN хабар бермоқда.
Манбага кўра, Гимараэснинг агенти Алексис Малаволта ўтган ҳафта Саудия Арабистонида бўлган ва "Ал-Иттиҳод" раҳбарияти билан учрашган.
Қайд этилишича, бразилиялик футболчини "Манчестер Юнайтед"дан Бруну Фернандешни қўлга кирита олмаса, захира варианти сифатида кўрилаётган "Ал-Ҳилол" ҳам ўз сафига қўшиб олмоқчи.
Жорий мавсумда Гимарайнс 46 та ўйинда майдонга тушиб, 5 та гол ва 8 та голли узатмага муаллифлик қилган.
