"Барселона"нинг собиқ футболчиси Роналдиньо "блауграна"нинг ёш авлоди яқин йилларда Чемпионлар лигасида ғалаба қозона оладими, деган саволга жавоб берди.
"Умид қиламанки, "Барса" тез орада Чемпионлар Лигасида ғолиб чиқади. Уларда ҳеч нарсадан қўрқмайдиган, ўзини ишончли кўрсатувчи ёш футболчилар бор. Бу нима учун ўйнашини биладиган жамоа. Флик жуда зўр иш қилди", - дея Роналдиньо сўзларини келтиради Marca.
Флик ўтган ёзда "Барселона" бош мураббийига айланди. Жорий Чемпионлар лигасида “блауграна” ярим финалга қадар етиб борган ва у ерда “Интер”га икки ўйин натижасига кўра мағлуб бўлганди.
