"Барселона" "Ливерпуль" вингери Луис Диас трансфери устида ишламоқда.
Каталония гранди анчадан бери колумбиялик футболчига даъвогар бўлиб турибди. Журналист Уриэл Лигтнинг ёзишича, сўнгги пайтларда "Барселона"нинг қизиқиши аниқроқ бўлди - томонлар ўртасида фаол музокаралар олиб борилмоқда. Муҳокамаларнинг янги босқичи яқин кунларга мўлжалланган. 28 ёшли футболчининг ўзи трансферга тайёр.
Transfermarkt портали талқинига кўра, Луис Диаснинг трансфер нархи 85 млн еврони ташкил қилмоқда. Футболчининг "Ливерпуль" билан шартномаси 2027 йилнинг ярмигача мўлжалланган.
