Филип Костич яна "Ювентус" либосини кийишга тайёр. Нуфузли инсайдер Николо Скиранинг маълум қилишича, 32 ёшли сербиялик ёзда "Фенербахче"даги ижарасини якунлаб, Туринга қайтади.
Асосий мақсад - бўлажак клублар ўртасидаги жаҳон чемпионатида иштирок этиш, унда "бьянконерилар" Европа шарафини юқори савияда ҳимоя қилмоқчи. Жорий мавсумда Костич турк клуби сафида 33 та ўйинда майдонга тушди ва 2 та гол ҳамда 8 та голли узатмага муаллифлик қилди.
Сербиялик ярим ҳимоячининг "Ювентус" билан шартномаси 2026 йилнинг ёзигача амал қилади ва клубдагилар у нафақат халқаро турнирда, балки А Серияда ҳам жамоага фойда келтира олишига умид қилмоқда.
Костич мавсумолди йиғинни ҳам "Ювентус" сафида ўтказиши кутилмоқда.
