"Манчестер Юнайтед" бош мураббийи Рубен Аморим Бруну Фернандешга Саудиядан бўлган қизиқиш ҳақида гапирди.
"Қизил иблислар" сардорининг келажаги мавҳумлигича қолмоқда: Саудия Арабистони чемпионати грандлари ярим ҳимоячига ўта қулай шартларни таклиф қилишга тайёр, бу ҳақда турли манбалар бир неча бор хабар берган.
"Бруну учун клубимизда ўзгаришлар бўлаётганини кўриш муҳим. Хулқ-атвор, кундалик ташкилотчилик, машғулот суръати. Агар буларнинг барчаси талаб даражасида бўлса, у қолишни истайди - у "Манчестер Юнайтед"ни яхши кўради," - дея Аморимнинг сўзларини келтиради журналист Фабрицио Романо.
