"Манчестер Юнайтед" бош мураббийи Рубен Аморим трансферлар ҳақидаги саволга жавоб берди.
Хабарингиз бор, "қизил иблислар" омадсиз мавсумдан сўнг таркибни кучайтиришни режалаштирмоқда.
"Бизда қоида бор: янги футболчиларни фақат мураббий танламайди. Қарор келишилган бўлиши керак. Ҳеч бир футболчи менинг розилигимсиз бу ерга келмайди, лекин биргина менинг сўзим етарли бўлмайди. Масалаларни ҳал қилиш билан фақат мураббий шуғулланмаслиги муҳим. Трансферларни амалга оширишда мен учун энг муҳими - қандай ўйнашимизни билиш," - дея Аморимнинг сўзларини келтиради UtdDistrict.
