Португалиянинг "Спортинг" клуби форварди Виктор Дьёкереш Лондоннинг "Арсенал" клубига ўтиши борасида фикр билдирди.
"Аниқ бир нарса дейиш мумкин эмас, чунки футболда нима бўлиши мумкинлигини ҳеч қачон билмаймиз. "Арсенал"? Ҳозирча ҳеч нарса маълум эмас. Бутун эътиборимни ўйинларга қаратганман. Агар ростдан ҳам шундай бўлса, ёзда ҳаммаси ойдинлашади," - дея швециялик тўпурар сўзларини келтиради инсайдер Фабрицио Романо ўз ижтимоий тармоқларида.
Аввалроқ матбуотда Дьёкереш "канонирлар" билан узоқ муддатли шартнома имзолаши ҳақида хабарлар тарқалган эди. Унинг эҳтимолий трансфер суммаси 75 миллион еврога баҳоланмоқда.
