Лиам Делап яқин вақт ичида келажагини белгилаб олади.
Журналист Бен Жейкобснинг ёзишича, "Ипсвич" форварди "Манчестер Юнайтед"нинг асосий нишони бўлиб қолмоқда, трансфер бўйича музокараларни "Челси," "Ньюкасл" ва "Эвертон" ҳам ўтказган - уларнинг барчаси 30 млн фунт товон пули тўлашга тайёр.
Қайд этилишича, Делап 2026 йилги жаҳон чемпионатида ўйнаш имкониятини ошириш учун янги клубида ўйин вақтини кафолатлаб олмоқчи. Еврокубокларда иштирок этиш ҳам муҳим омил саналади, аммо "МЮ" 22 ёшли ҳужумчини қўлга киритиш учун курашда ўз позициясини сақлаб қолишга ишонмоқда.
Делап шу ҳафта, ёшлар ўртасидаги Европа чемпионати бошланишидан олдин бир қарорга келиши кутилмоқда.
