Liam Delap yaqin vaqt ichida kelajagini belgilab oladi.
Jurnalist Ben Jeykobsning yozishicha, "Ipsvich" forvardi "Manchester Yunayted"ning asosiy nishoni bo‘lib qolmoqda, transfer bo‘yicha muzokaralarni "Chelsi," "Nyukasl" va "Everton" ham o‘tkazgan - ularning barchasi 30 mln funt tovon puli to‘lashga tayyor.
Qayd etilishicha, Delap 2026 yilgi jahon chempionatida o‘ynash imkoniyatini oshirish uchun yangi klubida o‘yin vaqtini kafolatlab olmoqchi. Yevrokuboklarda ishtirok etish ham muhim omil sanaladi, ammo "MYU" 22 yoshli hujumchini qo‘lga kiritish uchun kurashda o‘z pozisiyasini saqlab qolishga ishonmoqda.
Delap shu hafta, yoshlar o‘rtasidagi Yevropa chempionati boshlanishidan oldin bir qarorga kelishi kutilmoqda.
