"Ан-Наср" ҳужумчиси Криштиану Роналду Саудия Арабистони чемпионатининг 34-туридан ўрин олган "Ал-Фатеҳ"га (2:3) қарши баҳсда гол урди.
40 ёшли португалиялик 25 та гол уриб, мавсумнинг энг яхши тўпурарига айланди. Ундан кейинги ўринда "Ал Аҳли"нинг британиялик форварди Айвен Тони бормоқда - 23 гол. Учинчи ўринда 21 та гол билан Карим Бензема ("Ал-Иттиҳод") ва Абдерразак Ҳамдалла ("Ал-Шабаб") бормоқда.
Роналду кетма-кет иккинчи мавсум Саудия Арабистони чемпионатининг энг яхши тўпурарига айланди. У ўтган йили 35 та гол урган.
