Криштиану Роналду катта эҳтимол билан "Ан-Наср"ни тарк этади.

Саудия Арабистонида 2024/25 йилги мавсум якунланди. Криштиану Роналду тўп тепаётган "Ан-Наср" чемпионат турнир жадвалида учинчи ўринни эгаллади.

Мавсумнинг сўнгги ўйинидан сўнг португалиялик шундай деб ёзди: "Бу боб тугади. Тарихми? Ҳали ҳам ёзиляпти. Ҳаммадан миннатдорман."

Жорий йилнинг февраль ойида футболчидан интервью олган унинг дўсти Эду Агирре ҳужумчи клуб билан шартномани узайтирмаганини айтди.

"У шартномани узайтирмади. Имкониятларга очиқ," - деди Агирре.

Ўтган мавсумда Криштиану Роналду Саудия Арабистони чемпионатида 30 та ўйинда 25 та гол урди ва 3 та голли узатмани амалга оширди.