Суперкубок ўйинидан кейин ташкил этилган матбуот анжуманида "Андижон" бош мураббийи Максим Шацких ўз фикрлари билан ўртоқлашди.

"Учрашув биз кутган даражада ўтди. Ўйиндан кейин йигитларга ўз миннатдорчилигимни айтдим. Ҳаммаси мен айтган вазифани бажаришди. Афсуски, ўйин биз хоҳлагандек якунланмади. Лекин хоҳиш ва иштиёқ билан ўйнадик. Футболчиларимизда спортчиларга хос азартни кўрдим. Бу албатта мени хурсанд қилмасдан қолмайди. Бу каби учрашувлардан кейин биз албатта яна ўсишда давом этамиз. Албатта, ютишни истагандик. Бироқ тушунарсиз пенальти эвазига гол ўтказиб юбордик. Ўйлайманки, мухлисларимиз ҳам ўйиндан қониқиш ҳосил қилдилар. Энди чемпионатимизда танаффус бўлади. Биз ФИФА кунларидан фойдаланиб йиғин ташкил қиламиз. Икки ҳафтадан сўнг биз янада кучлироқ бўлиб қайтамиз.

Учрашувдан аввал футболчиларга чиройли ўйин учун яна нима кераклигини айтдим. Худди инглизча футбол об-ҳавоси бўлди. Ёмғир ёғди, майдон ажойиб, стадион мухлислар билан зўр атмосфера юзага келди. Супер атмосфера. Биз рақибга ҳеч бир жабҳада ютқазганимиз йўқ.

Позисион ҳужум қилишда бизда муаммо кўрмадим. Шунчаки, қисқа паслар билан ўйнаганимизда қарши ҳужумларни ўтказиб юбораётгандик. Қисқа пасларда улар бизга прессинг қилганида биз узунроқ паслар билан ўйнашга мажбур бўлдик. Айтишим мумкинки, биз “Насаф”дан қўрқмадик. Ҳимоядан ҳужумга чиқишда ҳатто машғулотларда унчалик кўп ишламадик. Бу борада муаммо кўрмадим. Фақат бизда муаммо шу эдики, ҳимоядан қисқа паслар билан чиқаётганимизда қарши ҳужумларни ўтказиб юборишдан чўчидик. Улар прессинг қилаётганида узунроқ паслар билан ўйнашга мажбур бўлдик. Шахсан мен узун пасларни унчалик хуш кўрмайман. Менинг услубим бундай эмас. Кейинчалик яна шунақа саволлар бўлса, кейинги ўйинларда кўрасиз ва яна батафсилроқ жавоб бераман.

Мухлисларнинг шовқини ҳар доим жамоага ижобий таъсир қилади. Бу бизга қўшимча куч беради. Шу ўринда жамоамиз мухлисларига раҳмат айтмоқчиман. Узоқ йўл босиб бизни қўллаб-қувватлаб туришди. Кейинги учрашувларда уларни янада хурсанд қилишга ҳаракат қиламиз. 

Ўйинчиларимизни ҳаракатларидан қониқдим. Асосий мақсадимиз лигадаги ўйинларда барқарорликка эришиш. Олдимизда ОЧЛ мусобақаси ҳам турибди ва унда муносиб қатнашишимиз керак. Ёзда таркибни бироз кучайтиришимиз лозим" - деди Шацких.