Англиянинг "Манчестер Сити" клуби 19 ёшли ярим ҳимоячи Жейкоб Райтни "Норвич"га сотишдан 3,5 миллион евро ишлаб олиши мумкин, деб хабар бермоқда Manchester Evening News.
Райт қишки трансфер ойнасида деярли "Суонси"га кўчиб ўтганди, аммо якунда "Норвич"га ижарага берилди. У ўз ўйинлари билан клуб раҳбариятини тўлиқ шартнома имзолаш зарурлигига ишонтирди. "Шаҳарлик"лар бу трансфердан 2 миллион 300 минг еврога яқин даромад олиши кафолатланган, пулнинг қолган қисмини шартноманинг айрим бандлари шартлари бажарилган тақдирда олиш мумкин.
Чемпионшипнинг 15 та учрашувида 4 та голли узатмани амалга оширган футболчи жамоасининг ўн учинчи ўринни эгаллашига ёрдам берди.
