Angliyaning "Manchester Siti" klubi 19 yoshli yarim himoyachi Jeykob Raytni "Norvich"ga sotishdan 3,5 million yevro ishlab olishi mumkin, deb xabar bermoqda Manchester Evening News.
Rayt qishki transfer oynasida deyarli "Suonsi"ga ko‘chib o‘tgandi, ammo yakunda "Norvich"ga ijaraga berildi. U o‘z o‘yinlari bilan klub rahbariyatini to‘liq shartnoma imzolash zarurligiga ishontirdi. "Shaharlik"lar bu transferdan 2 million 300 ming yevroga yaqin daromad olishi kafolatlangan, pulning qolgan qismini shartnomaning ayrim bandlari shartlari bajarilgan taqdirda olish mumkin.
Chempionshipning 15 ta uchrashuvida 4 ta golli uzatmani amalga oshirgan futbolchi jamoasining o‘n uchinchi o‘rinni egallashiga yordam berdi.
