"Ривер Плейт" ярим ҳимоячиси Франко Мастантуоно "ПСЖ"га ўтади. Бу ҳақда Doble Amarilla нашри хабар берди.
Манбанинг хабарига кўра, парижликлар аргентиналик билан дастлабки келишувга имзо чекишган, унга кўра ярим ҳимоячи 2026 йилда Франция чемпиони сафига қўшилади.
Париж клуби вакиллари трансферни футболчининг атрофидагилар, шунингдек, "миллионерлар" раҳбарияти билан муҳокама қилишган. Ушбу футболчининг трансферига "ПСЖ" бош мураббийи Луис Энрикенинг шахсан ўзи қизиқмоқда. Аргентиналик футболчининг шартномасида кўрсатилган товон пули 45 миллион евро.
Мастантуоно жорий мавсумда 19 та ўйинда 7 та гол урди ва 4 та голли узатмани амалга оширди.
