"River Pleyt" yarim himoyachisi Franko Mastantuono "PSJ"ga o‘tadi. Bu haqda Doble Amarilla nashri xabar berdi.
Manbaning xabariga ko‘ra, parijliklar argentinalik bilan dastlabki kelishuvga imzo chekishgan, unga ko‘ra yarim himoyachi 2026 yilda Fransiya chempioni safiga qo‘shiladi.
Parij klubi vakillari transferni futbolchining atrofidagilar, shuningdek, "millionerlar" rahbariyati bilan muhokama qilishgan. Ushbu futbolchining transferiga "PSJ" bosh murabbiyi Luis Enrikening shaxsan o‘zi qiziqmoqda. Argentinalik futbolchining shartnomasida ko‘rsatilgan tovon puli 45 million yevro.
Mastantuono joriy mavsumda 19 ta o‘yinda 7 ta gol urdi va 4 ta golli uzatmani amalga oshirdi.
