"Барселона"нинг собиқ спорт директори Роберто Фернандес Усмон Дембеленинг Каталония клубидаги фаолияти ҳақида фикр билдирди.
У Sport.es нашрига берган интервьюсида клуб ҳозирда "ПСЖ" шарафини ҳимоя қилаётган франциялик вингер билан ишлашда хатоларга йўл қўйганини тан олди.
"Дембеле билан сабримиз чидамади. Тўғрисини айтсам, биз унга яхши муомала қилмадик. У жуда ёш эди, кўп нарсани тушунмасди. Мен ўша вақтдаёқ унга хайрихоҳлик билан қарардим - у ҳақиқатан ҳам ноёб фазилатларга эга эди, - деди Фернандес.
