«ПСЖ» ярим ҳимоячиси Фабиан Руис ўғирлик жиноятининг сўнгги қурбонига айланди.
Le Parisien хабарига кўра, парижликлар "Интер" устидан йирик ғалабага эришган (5:0) Чемпионлар лигаси финалидан сўнг дарҳол футболчининг уйига номаълум шахслар кирган. Воқеа душанба куни содир бўлган.
Манбага кўра, икки нафар вояга етмаган бола воқеа жойида қўлга олинган. Ўғирлик вақтида футболчининг ўзи уй ташқарисида бўлган.
Аввалроқ, 2023 йилда жамоа дарвозабони Жанлуижи Доннарумма ҳам худди шундай ҳужумга учраган эди.













