"Интер" ярим ҳимоячиси Давиде Фраттези агар Симоне Индзаги бош мураббийликда қолса, ёзда жамоани тарк этиши аниқ.
Бу ҳақда La Gazette dello Sport нашри хабар берди.
Эслатиб ўтамиз, "нерадзуррилар" устози яқин вақт ичида "Ал-Ҳилол" билан шартнома имзолаши мумкин, аммо якуний қарор ҳали қабул қилингани йўқ.
Сеск Фабрегас ёки Роберто де Зерби "Интер"нинг янги бош мураббийи бўлиши мумкин. Фраттезига Италия чемпиони "Наполи" қизиқиш билдирмоқда, унинг бош мураббийи Антонио Конте Давидени ярим ҳимоя чизиғини кучайтиришда асосий мақсад деб ҳисоблайди.
Ярим ҳимоячи ўтган мавсум чемпионатда 5 та гол урди ва битта голли узатмани амалга оширди.
