Грузия бош вазири Ираклий Кобахидзе "ПСЖ" футболчиси Хвича Кварацхелиянинг "Санкт-Жорж" номидаги Ғалаба ордени билан тақдирлангани ҳақида маълум қилди. Ҳукумат бу қарорни парижликлар Чемпионлар лигасида ғалаба қозонганидан кейин қабул қилган.
"Хвича Кварацхелияни Чемпионлар лигасида ғалаба қозонгани билан табриклайман. Бу футболнинг чўққиси. Албатта, бу ҳар биримиз учун ўзгача ғурур. Бу бутун мамлакатимизнинг ғалабаси, ҳар бир мухлис буни шундай қабул қилди. Ишончим комилки, бу фақат бир неча марта эришадиган энг юқори чўққиларни забт этишнинг бошланиши эди", — деди Кобахидзе.
Ўтган мавсумда Хвича ПСЖ сафида 25 та ўйинда майдонга тушиб, 7 та гол урди ва 5 та голли узатмани амалга оширди.
