Бухородаги ўйинда мағлубиятга учраган фарғоналиклар кеча Қарши шаҳрига етиб келишди. Хабарингиз бор, 24 июнь куни “Нефтчи” Ўзбекистон Кубоги чорак финал жавоб учрашувида “Насаф”га қарши майдонга тушади.
Ушбу учрашувда фарғоналиклар аралаш таркибда ҳаракат қилишади. Олдинда “Навбаҳор”га қарши муҳим ўйин борлигини инобатга олган мураббийлар штаби Қаршига ўринбосарлар ва захирадаги футболчиларни олиб келишни маъқул топишди. Асосий таркиб ўйинчилари эса кечаги баҳсдан кейин Фарғонага жўнаб кетишган.
Айни дамда жамоадаги кайфият яхши. Ҳамма бўлажак учрашув ҳақида ўйламоқда. Кечки пайтдан бошлаб футболчилар Сергей Ковшов бошчилигида машғулотларни бошлаб юборишади.
“Нефтчи” ПФК матбуот хизмати
