Лаутаро Мартинес Чемпионлар лигаси финалида "ПСЖ"дан учралган мағлубиятдан сўнг мухлисларга мурожаат қилди.
31 май куни Мюнхенда Чемпионлар лигаси финалида "Интер" "ПСЖ"га 0:5 ҳисобида имкониятни бой берганди.
"Ассалому алайкум, азиз "Интер" мухлислари. Мен бу хабарни бир неча кундан кейин ёзяпман, чунки шанба кунги ўйиндан кейинги қайғу, кўнгилсизлик, аччиқлик бўлган ва ҳозир ҳам бор, ҳиссиётларга бардош бериш ҳали ҳам қийин.
Ҳаммамиз орзу қилган нарсани бера олмаганим учун барчангиздан узр сўрайман. Мюнхенда, "Сан-Сиро"да ва бутун дунёда бўлган барча "нерадзуррилар"га раҳмат айтмоқчиман. Сиз ҳар доим ноёбсиз.
Футболда совринларни қўлга киритиш шубҳасиз муҳим! Лекин, менимча, сўнгги уч йил ичида иккита Чемпионлар лигаси финалида катта қурбонликлар кўп нарсани англатади. Биз ўша ҳис-туйғуларни такрорлаш, совринларни қўлга киритиш ва унутилмас оқшомларни ўтказиш учун бор кучимиз билан ҳаракат қилдик. "Интер"даги биринчи кундан бошлаб мен ва барча жамоадошларим "Интер"ни тарихга киритиш ва у муносиб жойга қайтиш учун ҳаракат қилдик.
“Интер”ни қўллаб-қувватлаш осон бўладиган кунлар бор, керак бўладиган кунлар бор, баъзан эса шараф – бугун бу барчамиз учун зарурат. Бугун мен бу либосни кийганимдан ва бу жамоа сардори эканлигимдан ҳар қачонгидан ҳам фахрланаман. Олға, "Интер"!", - деб ёзди "нерадзуррилар" ижтимоий тармоқларида.
